Top Ad unit 728 × 90

آخرالدروس

دروس

13 جملة عليك تجنبها في مقابلة العمل -الانترفيو-


فيما يلي 13 جملة ممكن يكونوا السبب إنك ماتعدّيش من الانترفيو - فاحذرها !! 😱فافا

interview

1- "معلش، أصل أنا متوتر شوية بس"

مافيش شركة هتهتم تعين واحد مش واثق من نفسه، حتى لو كنت متوتر اعمل نفسك واثق، بس ماتأفورش علشان ماتتفضحش.


2- " المرتب هيبقى كام ان شاء الله"

لو اتكلمت في الفلوس بدري هتدي انطباع انك جاي تشتغل علشان الفلوس بس وهيحسوا انك مش مهتم بالشغل نفسه ودي حاجة مش كويسة. خلي الكلام عن الفلوس والاتفاق اخر حاجة خالص.


3- "نقطة ضعفي اني بشتغل كتير أوي"

ما تطّوعش وتتكلم عن عيوبك او نقط ضعفك الا لو اتسألت عنها، ولو اتسألت فكر كويس واعترف بعيوبك الحقيقية. بلاش جو انا نقطة ضعفي اني طيبة وبثق في الناس بسرعة.. انت مش بنت في اولى جامعة .

4- "انا فعلا محتاج" الشغل دا"

-طب يحنن يابني! انت رايح تشتغل مش تشحت والشركة بتبقى محتاجة ناس حابة الشغل وعايزة تكمل في الكارير دا، مش مجرد مصدر يجيب منه فلوس وخلاص.


5- "بصراحة شغلي/مديري زي الزفت"

تفتكر ممكن تسيب اي أنطباع ايجابي لما تشتم في مديرك او شغلك السابق؟

6- "انا عايز....."

ماتتكلمش كتير في انت عايز ايه ... اهتم اكتر بانك تتكلم في انك تتطور نفسك عشان تفيد الشركه ونفسك بشكل خاص اد ايه "ماتقولش ايه اديتنا مصر، قول هندي ايه لمصر"

7- "لامؤاخذة بس هو الانترفيو هيخلص امتى؟"

ماتديش انطباع للي قدامك بانك مستعجل وعايز تمشي، الانترفيو ممكن يكون متحددله نص ساعة بس تكون الحياة ماشية كويس فممكن يدخل في ساعة وهو مبسوط بيك، انك تديله انطباع انك مستعجل ممكن ساعتها يقولك طيب اتفضل، بس تأكد انك مش هتسيبه وهو مبسوط!

8- "هو مش فلان شغال هنا برده؟"

اكيد مش هينبهر بيك لما تقوله انك حابب الشركة عشان صحابك كانو شغالين هنا

9- "ممكن ماجاوبش ع السؤال دا؟"

طول ما السؤال طبيعي وفي اطار الشغل جاوب! مش دا الوقت اللي تلعب فيه بورقة " الشاب الغامض" اللي البنات عايزين يعرفوا حكايته ايه


10- "هو انا ليّا كام يوم اجازة في الشهر ممكن اغيبهم؟"

فعلا؟ بتسأل عن الايام اللي ممكن تقعد فيها في البيت ويبقى قبضك شغال من اول يوم شغل؟


11- "معلش في اللفظ يعني دي حاجة @#$*)"

افتكر انك في انترفيو في شركة وماتستخدمش اي الفاظ دارجة بينك وبين صحابك ع القهوة مهما كان الشخص اللي قدامك ودود معاك. خليك محترم جدا واوعى تستخدم "معلش يعني في اللفظ .. " هو مش محتاج يسمع اللفظ اللي انت بتعتذر عنه.


12- "اصلي لسه مفركشة/حامل/ ظروفي الايام دي مش اد كده"

حياتك العائلية ومشاكلك دي تخصك لوحدك، أكيد ماتخصش الشركة اللي انت لسه أول يوم تدخلها النهارده


13- "لا والله ماعنديش اسئلة، انتو ناس فل الفل"

لما يقولك عندك أسئلة اسأل وماتتكسفش، حسّسهم أنك مهتم جدّا بالشغل وعايز تعرف تفاصيل أكتر ولازم تكون محضر أسئلة قبل الانترفيو ;)



شــاركـــهـــا !!

13 جملة عليك تجنبها في مقابلة العمل -الانترفيو- Reviewed by Amine Amino on 3:58 م Rating: 5

نموذج الاتصال

الاسم

بريد إلكتروني *

رسالة *

يتم التشغيل بواسطة Blogger.